Pichhle saal Islamabad Pitstop ke iftitah ke baad, hamare champs ke sath hamara safar kafi achha raha hai! Iss arsey mein hum ne kayi kamiyab events organize kiye hain aur aage bhi karte rahenge!

Hamare Champs aur unke events!

Haal hee mein, 29 December par, hum ne apne 50 sab se zyada active drivers ko invite kia, jinhon ne road par apni performance dikhayi hai aur unki mehnat ke badle mein un mein inamaat bhi taqseem kiye.

Woh event boht hee achha raha! Hum ne boht sare muqable karwaye aur inamaat bante, aur kuch khush qismat drivers ne toh 'Lucky Wheel' ke zariye 30 Hazaar Rupay tak ke cash inamaat bhi jeete.

Hamara yeh event kamiyab raha aur driver boht khush huay. Hum apne champs ke musalsal mehnat aur jazbe par unke shukar ghuzar hain. Jald hee hum aisa ek aur event organize karwayenge! Updates hasil karne keliye hamare social media aur website pr hum se jurrey rahen!